Administrasjonen i Volda kommune rår politikarane til å godkjenne at det vert gjort avtale med Gode Vegar AS om help i arbeidet med å fremje gode samferdsleløysingar for kommunen/regionen. Kostnaden for kommunen er 100.000 kroner.
– Etablering av Voldatunnelen og Ørstafjordkryssing vil ytterlegare styrke E39, og styret i Gode Vegar AS har vedteke å stille selskapet disponibelt for Volda og Ørsta kommunar for å fokusere på ei snarleg realiseringa av viktige vegprosjekt for regionen, står det i tilrådinga til formannskapet i Volda.