Saniteten har støtta lokale lag og organisasjonar i mange år, og både gamal og unge innbyggarar i Ørsta. Dette har gått føre seg heilt frå krigen og gjeld framleis i dag. Inntektene som kjem frå sal av fastelavnsris i år, vil gutelaget nytte til deltaking på Norway Cup frå 31. juli til 6. august. Gutelaget vil delta med to lag i turneringa.
– Vi er totalt 30 aktive gutar som skal delta i verdas største fotballturnering i Oslo.
Salet startar måndag og varer til og med fredag neste veke, og gutelaget vil selje fastelavnsris i Ørsta sentrum.
– Vi håpar at innbyggjarane i Ørsta vil støtte opp om den gode saka, og ber folk ha 50 kroner klar til vi kjem rundt på dørene.
Sal av fastelavnsris er og med på å finansiere sanitetskvinnene sitt frivillige arbeid, og bidra til arbeidet for å kvinner si helse og livsvilkår og forsking i regi Norske Kvinners Sanitetsforening. N.K.S. innførte fastelavnsris i Noreg i 1946, og skikken er av heidensk opphav. Risa skulle brukast til å vekke til live fruktbarheita til kvinner, dyr og tre ifølgje historia. Ordet fastelavn høyrer til kristen tradisjon og høyrer til den gamle fasteperioden før påska.