Smp.no skriv måndag kveld at regjeringspartia og samarbeidspartia går inn for å stogge prosessen med nedlegging og samanslåing av norske domstolar, inkludert samanslåing av Søre Sunnmøre tingrett i Volda og Sunnmøre tingrett i Ålesund.

Det er Domstoladministrasjonen (DA) som har sett i gang arbeidet med å greie ut endringar i domstolsstrukturen. Tilsette ved domstolen i Volda og lokale politikarar, advokatar andre med tilknyting til tingrettenhar protestert mot planane.

DA vil no få beskjed om å stogge samanslåingsprosessane. Dette vart klart i samband med handsaminga av forslaget til statsbudsjett i Justiskomiteen på Stortinget. Høgre, Frp, Venstre og KrF har vorte samde om å be DA om å la vere å gå vidare med reformarbeidet.

Det formelle vedtaket kjem når budsjettarbeidet blir avslutta komande fredag.

Ifølgje smp.no er det førebels uklart om opposisjonspartia på Stortinget vil støtte vedtaket. Likevel har både Fredric Holen Bjørdal (Ap) og Jenny Klinge (Sp) vore motstandarar av ei nedlegging av tingretten i Volda.