Advokat Knut Asbjørn Solevåg har på vegner av Ørsta kommune sendt krav om skjøn til Søre Sunnmøre tingrett for arealet som skal nyttast til idrettsanlegg på Vartdal.
Kommunen har også sagt at det skal sendast søknad til Fylkesmannen i Møre og Romsdal om å ta grunnen i bruk før skjøn er halde. Også denne søknaden vil Solevåg lage i stand, men han bed då rådmannen i Ørsta om å syte for at Vartdal Turn og Idrettslag så snart som råd gir «statusrapport» vedkomande framdrift i arbeidet med å bygge Vartdal Idrettsanlegg.
Fylkesmannen vil krevje opplysningar om framdriftsplan, og nærare informasjon om kvifor det er trong om å ta grunnen i bruk før skjønet er halde
Det må også verte avklart om all grunn som vert oreigna, dvs. 28.727 m2, er grunn som kommunen treng å ta i bruk før endeleg skjøn.