Radio Televisjon AS er konkurs

Elektrobutikken på Spinneriet er no stengd. Radio Televisjon har likevel avtale om å drive post i butikk i lokala. Førebels held drifta av posten fram.

Det var Nærnett som skreiv om saka først.

Posten seier til Nærnett at dei har inngått avtale med Coop Mega om å ta over drifta av postkontoret på sikt. Dette er gjort uavhengig av konkursen i Radio Televisjon AS.

Likevel kan det hende Coop Mega tek over posttenestene tidlegare enn planlagt.

Sparebanken Møre er ei av verksemdene som har pant i buet til Radio Televisjon. Det vil truleg bli gjennomført eit konkurssal i samband med avviklinga av butikken.

Advokat Jørund Knardal er bustyrar. Krav i buet må meldast innan 5. november. Første skiftesamling blir halden 12. november i Søre Sunnmøre tingrett.