Ottar Grepstad held årstalen sin torsdag.
(Foto: Kjell Arne Steinsvik)

Ottar Grepstad held årstalen sin torsdag. Foto: Kjell Arne Steinsvik

Grepstad med ny årstale:

– Vanskeleg å skrive om viktig emne

– Dette har vore ein vanskeleg årstale å lage. Emnet er opplæringspolitikken i skulen. Den saka er brennaktuell og stor, og mange har sterke meiningar, seier direktør Ottar Grepstad i Nynorsk kultursentrum få dagar før han held årstale nr. 11 om tilstanden for nynorsk skriftkultur.

Torsdag kveld 22. september kjem folk frå heile landet til Ivar Aasen-tunet i Ørsta for å høyre talen som har fått tittelen «Gledene ved plikta». Arrangementet er gratis og ope for alle.

Bidrag til nytenking

– Det blir verre for kvar gong å skrive årstalen, seier Grepstad.

– Tanken på at folk kan bli sitjande og høyre på ein lang tale utan å få noko att for det, er ekkel. Der er alltid nokon som veit meir om saka enn eg gjer. Då må eg iallfall vere nøye med fakta og tydeleg i vurderingane. For å greie det er det mykje eg må prøve å forstå, legg han til.

Denne gongen har Grepstad vore gjennom hundrevis av artiklar og skrifter frå dei siste femti åra og søkt råd hos fleire enn han plar gjere.

– Eg vonar denne talen kan opne for konstruktiv nytenking om det mest omstridde emnet i norsk språkpolitikk. Difor seier eg også klart frå om kva som bør stå fast og ikkje endrast, seier Grepstad.

Fordi nynorsk er viktig

Årstalen om tilstanden for nynorsk skriftkultur er den einaste talen av denne typen på heile kulturfeltet. Talen har vore halden kvart år sidan 2001. Den blir halden for å vise kor viktig nynorsk er i Noreg, og har vore ein del av arbeidet med å gjere Nynorsk kultursentrum til ein nasjonal kulturinstitusjon, seier Grepstad.

Som før røper han ikkje innhaldet på førehand.

– Dei som er til stades, skal vere dei første som får høyre det, seier direktør Ottar Grepstad. Dei to førre talane blei haldne i Tromsø og Trondheim. I samband med årstalen kjem både styre og råd i Nynorsk kultursentrum til møte i Ivar Aasen-tunet.

Meir å lese på Møre-Nytt:
Dette vert lest no:

Den nye hotelleigaren ser eit stort potensial i Hotell Ivar Aasen

– Dess meir eg har vore på Hotell Ivar Aasen, dess meir smiler eg. Dette hotellet har enormt potensial!

Cupkamp framskunda til onsdag

Volda møter neste hinder i NM allereie onsdag kveld, når Førde kjem til Voldahallen.

Kranseskål for det nye legesenteret

- Dette vert eit fantastisk bygg

Bygginga av det nye legesenteret er i rute.

Håskjold Nyland ute av landslaget

Voldingen Ørjan Håskjold Nyland er vraka frå landslaget i fotball.

Har fått første avling av økologiske grønsaker

Kål i mange variantar, bønner, erter, gulrot, fennikel og salat. Det bognar av økologiske godbitar i grønsaksåkeren til Ørsta andelsgard for tida.

No skal bloggar Marna danse for folket

Den utflytte Ørsta-bloggaren Marna Haugen Burøe har mista både matlysta og nattesøvnen etter at ho sa ja til å vere med i det populære TV-programmet «Skal vi danse».

SV møtte Utdanningsforbundet i Ørsta

Samde om lærartettleik

– Eit av våre fem hovudkrav for å støtte ei ny regjering er å få på plass ein nasjonal norm for lærartettleik som gjeld heilt ned på skulenivå.

Her er Ørsta sine håp

Hovudsponsorane spanderte søndag fest på Ørsta-spelarane som deltok på tre store cupar.