<strong>Fest:</strong> Runar Gudnason var i storslag i teltet i Ulsteinvik laurdag. Det same var vokalist Gunnar Solheim i BokkeReidars.

Fest: Runar Gudnason var i storslag i teltet i Ulsteinvik laurdag. Det same var vokalist Gunnar Solheim i BokkeReidars.

Side Brok og BokkeReidars skapte åtgaum

Det kokte i ramsalte Ulsteinvik laurdag, då Side Brok og BokkeReidars Bluesband røykla storteltet til Trebaatfestivalen.

Og artistane leverte varene i teltet der også ei rekkje voldingar og ørstingar hadde knytt marinegenseren rundt halsen denne augustvarme kvelden for å kose seg med eit glas eller to, til god musikk.

For det vert stemning når artistane ikkje berre kjem ned i salen og går sikksakk mellom benker og folk. Når den heilblå saksofonisten Trond Johnsen, som ikkje er sponsa av Erna Solberg sitt regime, til og med klatrar på bordet, og hoppar lett over halvliterar og dyre handvesker frå Michael Kors, og når Duracell-vokalist Gunnar Solheim gjer noko av det same, så skaper det definitivt stemning. Like mykje som når Hovdebygda-rapparane Runar Gudnason, iført ei blanding av selskapskjole frå Flø og silkedrakt som i Saudi-Arabia, og makker Bård Aasen Lødemel i knallraud Hovdebygda IL-jakke, lograr med halen og fyrer opp publikum med hitar medan blåsen frå BokkeReidars dansar som ei varm bølgje gjennom partyteltet.

Slikt skaper liv. Og slikt set eit godt punktum for ein vellukka Trebaatfestival.

Meir å lese på Møre-Nytt:

Møre-Nytt ynskjer ein open og sakleg debatt. Alle innlegg vert kontrollerte etter publisering. Innlegg kan verte forkorta, redigerte eller fjerna. Det fulle namnet ditt må anten gå fram av e-postadressa, brukarnamnet eller Facebook-profilen din.

Dette vert lest no:

Fortvilar over skadeverk

Arne fekk båt skadd etter steinkasting.

Store utfordringar med fyrsteslåtten

Bøndene i Ørsta har utfordringar med årets fyrsteslått, grunna mykje nedbør. Dei fleste ligg langt bak skjema.

Siste sirkus på Utstillingsplassen

Torsdag vart sirkusteltet til Cirkus Arnardo reist på Utstillingsplassen i Ørsta for siste gong.

Elevane sigra mot lærarane

I år var det elevane ved Ørsta ungdomsskule som kunne juble høgast i den tradisjonsrike fotballkampen mellom elevane og lærarane.

NAV til Tindebygget

NAV Ørsta og Volda flyttar frå Strandgata til nye lokale i Tindebygget i Ivar Aasen-gata.

Kommunen kjøper hamna i Volda

I dag vedtek truleg Volda kommune at dei kjøper den statlege fiskerihamna i sentrum frå Kystverket.

Åtvarar mot kulturhus i sentrum

Rådmannen i Volda åtvarar mot å insistere på eit kulturhus i sentrum framfor samarbeid med høgskulen på campus.