Fredag offentleggjorde Malakoff-festivalen på Nordfjordeid at Sivert Høyem sitt nye band Paradise i tillegg til Side Brok og Sirkel Sag er klar for Malakoff18.
– Etter to års pustepause er hip-hop-heltane frå Hovdebygda tilbake for å spreie kjærleik på Malakoff18. Sirkel Sag og Side Brok kjem til å lage ellevill feststemning, og alle er inviterte, heiter det i ei pressemelding.
Frå før er det klart at Gåte, Kjartan Lauritzen, Thulsa Doom og Sløtface kjem til Nordfjordeid 19.–21. juli neste sommar. Festivalen opplyser at det vil bli offentleggjort fleire artistar utover vinteren og våren.