– Det er slik det skal vere. Dette vil vi ha. Det er så utruleg bra!
Kyrre Grimstad var ein av mange som tok turen til småbåthamna i helga. Fredag var han der som publikum då Musikk i sentrum arrangerte Anker Live, der fleire lokale band og artistar fekk scenetid. Last Rebels, Mathea Lødemel og Skapsmak spelte, medan DJ Danny spelte musikk ut i dei seine nattetimar. Laurdag var Grimstad til stades saman med Sunnmøre Baarelag, då det var duka til dans i regi av småbåtlaget. Listen to the band spelte også.
Arrangementet var i samband med Naturfestivalen og Saudehornet rett opp.
– Det er dette vi vil ha, seier Grimstad.
– Ei scene der lokale artistar får vise seg fram. Kjempebra!
