Litt over klokka eitt natt til søndag vart ei sju år gamal jente funnen gåande ute i Fosnavåg sentrum, melder politiet. Ho var då iført shorts, jakke og gummistøvlar.
Mor til barnet var på besøk hos nokre naboar då barnet vakna og gjekk ut.
Nokre forbipasserande tok hand om jenta og varsla politiet som fekk køyrt henne heim.
Like etter kom mora til barnet heim.
Politiet set stor pris på innsatsen dei forbipasserande gjorde overfor den vesle jenta.