Årets 10 gode gjerningar spreidde mykje glede i Krafttaket 2017. Torsdag kunne Tussa stolt dele ut 100.000 kroner til dei 10 deltakarane i Krafttaket 2017, der målet er å gjere seg fortent til nokre kroner ved å gjennomføre gode gjerningar.
Førsteplassen, med flest stemmer, gjekk til Vartdal skitrekk, som dermed sikra seg 24.524 kroner frå potten. Dugnadsgjengen i skitrekket har jobba hardt med å forlenge langrennsløypa på Vartdal. Med traktor, lastebil, motorsag og beitesaks har dei med stor iver og pågangsmot brukt fleire ettermiddagar og kveldar på å rydde den nye løypa, melder Tussa.
Vanylven Røde Kors Hjelpekors fekk andreplassen som sikra dei 17.865 kroner.
Tredjeplassen gjekk til Gjerdsvika IL med ein premie på 13.427 kroner.
4. plass: Barnekoret Fram frå Fiskå - 10.783 kroner.
5. plass: Ulstein ungdomsskule (niande trinn) - 10.619 kroner.
6. plass: Hødd Handball - 7.484 kroner.
7. plass: Ulstein Tensing KFUK-KFUM - 7.267 kroner.
8. plass: Austefjord IL - 2.854 kroner.
Trimgruppa i Austefjord IL har rydda råsa til Langvassetra i Austefjorden. To kveldar har den ivrige dugnadsgjengen brukt på å rydde råsa som ikkje alle plassar var like god å finne.
9. plass: Volda Innebandy - 2.703 kroner.
Volda innebandy si gode gjerning, prosjekt Super-innebandy, gir personar med spesielle behov moglegheita til å vere med å spele innebandy.
10. plass: Hareid og Ulstein Dykkerklubb - 2.474 kroner.