Ørsta kommune bed Statens vegvesen om å godkjenne skiltplan for regulering av parkering og parkeringstid i Ørsta sentrum.
Kommunen ønskjer å innføre parkering med inntil tre timar på tre av parkeringsplassane i sentrum. Føremålet med planen er å unngå langtidsparkering på parkeringsplassane i sentrum.
Planen omfattar parkeringsplassen på Torget, ved Kunsthuset og på den nye parkeringsplassen på Linatomta ved Amfi. Her er det nyleg opparbeidd plass til 40 bilar, pluss ein plass som er dimensjonert for funksjonshemma.
I tillegg ønskjer kommunen også at Sjøbrauta, den kommunale gata mellom E39 og Webjørn Svendsengata, vert skilta med parkering, med underskilt med inntil tre timar.